[Myanmar weather watch] ၁ဝ ရက်အတွင်း မုန်တိုင်းဖြစ်နိုင်...

Moon Mon posted in Myanmar weather watch Moon Mon 14 May 05:31 ၁ဝ ရက်အတွင်း မုန်တိုင်းဖြစ်နိုင် ဘင်္ဂလားပင်လယ်အော်တွင် ၁ဝ ရက်အတွင်း မုန်တိုင်းဖြစ်ပေါ်နိုင်သဖြင့် မြန်မာ့တောင်ပိုင်း ကမ်းရိုးတန်းဒေသများ၌ အန္တရာယ်ရှိနိုင်ကြောင်း နေပြည်တော် မိုးလေဝသနှင့် ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဦးချစ်ကျော်က ပြောသည်။ "၁ဝ ရက်ပတ်အတွင်း လေဖိအားနည်းရပ်ဝန်း တကြိမ်ဖြစ်ပေါ်နိုင်ပြီး ပိုမိုအားကောင်းကာ မုန်တိုင်းငယ်အဖြစ် ရောက်နိုင်တယ်။ ဘင်္ဂလားပင်လယ်အော် အလယ်ပိုင်းမှာ မုန်တိုင်းဖြစ်တယ်။ မုန်တိုင်းငယ်အဆင့် ရောက်တယ်ဆိုလို့ရှိရင် အန္တရာယ်ရှိတာက ဒီမုန်တိုင်း ဦးတည်သွားမယ့် ကမ်းရိုးတန်းတွေကတော့ အန္တရာယ်ရှိတာပေါ့ဗျာ" ဟု ညွှန်ချုပ် ဦးချစ်ကျော်က မဇ္ဈိမကို ပြောဆိုသည်။ လေဖိအားနည်းရပ်ဝန်း ဖြစ်ပေါ်ရာမှ ဘင်္ဂလားပင်လယ်အော်တွင် ပိုမိုအားကောင်းသည့် မုန်တိုင်းငယ်အဆင့် ရောက်ရှိနိုင်ကြောင်း တနင်္လာနေ့ထုတ် မြန်မာ့အလင်း သတင်းစာတွင်လည်း ဖော်ပြသည်။ ယခင် မိုးဇလညွှန်ချုပ် ဒေါက်တာထွန်းလွင်၏ မြန်မာနိုင်ငံ ရာသီဥတုစောင့်ကြည့်ရေးအဖွဲ့ MCCW ဝဘ်ဆိုဒ်တွင်လည်း ဘင်္ဂလားပင်လယ်အော်တွင် မေလ ၁ဝ ရက်မှ ၁၇ ရက်အတွင်း မုန်တိုင်းဖြစ်ပေါ်နိုင်သည်ဟု ရေးသားထားသည်။ ဖြစ်ပေါ်လာနိုင်သည့် မုန်တိုင်းမှာ မြန်မာနိုင်ငံအတွက် အန္တရာယ်ပေးနိုင်ခြေ နည်းပါးသော်လည်း မိုးကြိုကာလ ဖြစ်သဖြင့် သတိထားကြရန် လိုအပ်သည်ဟု ဆိုသည်။ မုန်တိုင်းမှာ မြန်မာနိုင်ငံသို့ ဝင်ရောက်မည်ဆိုပါက ၂-၃ ရက် ကြာမြင့်ဦးမည်ဖြစ်ပြီး ပြည်သူများအနေဖြင့် သတင်းစာများတွင် ဖော်ပြထားသည့် မုန်တိုင်းကာလ ဆောင်ရန်၊ ရှောင်ရန်များကို လိုက်နာရန် လိုအပ်ကြောင်း မိုးဇလ ညွှန်ချုပ် ဦးချစ်ကျော်က ပြောသည်။ "ဒီအန္တရာယ်ရှိမယ့်ဟာက မုန်တိုင်းဖြစ်တဲ့ အချိန်ကျတော့မှသာ ဒီကောင်က ဘယ်ကိုရွေ့မယ်ဆိုတာ သိတာကိုး။ ဆိုတော့ ၂ ရက်၊ ၃ ရက်လောက်တော့ အချိန်ရတယ်လေ။ အဲဒီအချိန်မှာ ကျနော်တို့က အရင်ထုတ်တဲ့ အတိုင်းပေါ့။ ဘယ်မြို့ ဘယ်မြို့ကြားကို ဦးတည်ဖြတ်သန်းမယ်လို့ အဲဒီလို ပြောတဲ့အခါကျတော့ အဲဒီဒေသက လူတွေကတော့ ရှောင်တိမ်းရတာပေါ့ဗျာ။ ဖြစ်ရင်တော့ အရင် လုပ်ရိုးလုပ်စဉ်တွေအတိုင်း ကျနော်တို့ရဲ့ သတင်းစာတွေမှာ ရေးပြထားတဲ့ ဆောင်းပါးတွေအထဲအတိုင်း Action လုပ်ရမှာပေါ့" ဟု သူက ဆိုသည်။ ယခုရက်ပိုင်းအတွင်း မြစ်ဝကျွန်းပေါ်၊ မုတ္တမကွေ့၊ တနင်္သာရီကမ်းရိုးတန်းနှင့် ကမ်းလွန်ပင်လယ်ပြင်များ၌ တခါတရံ မိုးသက်မုန်တိုင်း ကျရောက်ပြီး တနာရီလျှင် ၃၅ မိုင်မှ ၄ဝ မိုင်အထိ ရှိနိုင်ကာ လှိုင်းကြီးနိုင်ကြောင်း မြန်မာ့အလင်းတွင် ပါရှိသည်။ View Post on Facebook · Edit email settings · Reply to this email to add a comment.